मेरो चौतारी

जापानको न्याय तथा रोजगार मन्त्रालयको अग्रसरता र अन्य मन्त्रालयसंग कोअर्डिनेसन गरेर हालै अनलाइन प्रकाशन गरिएको पोर्टल “ A DAILY LIFE SUPPORT PORTAL FOR FOREIGN NATIONALS ( 外国人生活支援ポータルサイト ) “http://www.moj.go.jp/ nyuukokukanri/ kouhou/ nyuukokukanri10_ 00055.html” ले जापानमा अध्यायन र रोगजारको सिलसिलामा बसोबास गर्ने बहुसंख्यक बिदेशीहरुको भाषाहरुमा सूचना दिन खोजेको छ। यसमा भाषागत बिषय भन्दा पनि जापान भित्र आगमन गरेर बसोबास गर्नका लागि के कस्तो औपचारिक तयारी गर्नुपर्छ भन्ने पूर्व सूचना दिने कार्यालयका विधि तथा नियमलाई ब्यवहारिक ढंगले बुझाउँने प्रयास गरिएको छ। जापानमा आउन साथ मलाई पनि केही यस्ता कुराहरुको खड्को महशुस भएको कुरा संझना दिलाउँछ। जापानीज परिवारसंगै बसोबास शुरुवात गर्ने मौका पाएतापनि कतिपय कुराहरु स्वावलम्बी हिसाबले गर्न सकियोस् भन्ने मेरो बिचारलाई यो परिस्थितले धेरै ठेस पुगेको थियो। त्यस्तै भेटघाटको क्रममा भर्खर जापान आएका नेपालीमूलका र अन्य बिदेशीहरुले जापानका औपचारिक तथा ब्यवहारिक बिधि बारे कौतुहलता राख्ने गरेका थिए। जापानका भाषिक तथा सांस्कृतिक बनोवट अन्य धेरै देशहरु...

हे भगवान, अर्को जन्ममा मलाई भलै ३२ भन्दा कम दाँत दिनु तर कलेजो ३२ वटै कोटा पुरा गरिदिनु ताकि जति सके रक्सी पिए पनि मेरो कलेजो नगलोस्। केही दिन अघि लाइसेन्स नवीकरणको लागि नजिकको सिटी प्रहरी ट्राफिक अफिस हाजिर भए। सबै टेस्ट सकेपछि लाइसेन्स बनाउँन लाग्ने समय अवधि आधाघण्टा जति ट्राफिक तथा सडक नियम बारे घटनाको भिजुवल उदाहरण सहित शिक्षा दिने कक्षामा पसे। मादक पदार्थ लगायत औषधी सेवन गरेर ड्राइभिंग गर्न मनाही छ र यसो गरी दुर्घटना भएमा सबै क्षति निजले ब्योहोर्न पर्ने, कडा कानूनी सजाय हुने कुरो पनि दोहोर्याए। तर अचम्मको कुरो त्यहाँ कडा रक्सीको गन्ध ह्वारह्वार्ती आईरहेको थियो। मेरो पछाडि एकजना ५ दशक नाघेका मान्छेले मानौ यो कुरालाई खिल्ली उडाइरहेको भान हुन्थ्यो। मैले यो कुरालाई पनि सकारात्मक ढंगले लिने प्रयत्न गरे। मानौं ति ब्यक्ति जापानको जाडोमा लाग्ने इनफ्लुएन्जा माहामारीका अल्कोहल सेनिटाइजर हुन जसले संक्रामक रोग सर्नबाट रोकथाम गरोस्। 😊